Valur er fimm ára forvitinn strákur á leikskólanum Bergseli. Einn daginn byrjar ný stelpa á leikskólanum sem heitir Eva en hún var að flytja með fjölskyldu sinni frá Þýskalandi og talar því annað tungumál en hinir krakkarnir. Val og vinum hans finnst það mjög spennandi og hlakka til að fá að kynnast Evu. Á sama tíma fræðast þau um hinn stóra heim og kynnast því að þrátt fyrir ólíkan bakgrunn erum við ólíkari en við höldum. Helga Sigfúsdóttir er móðir tveggja drengja sem læra nú annað tungumál vegna búsetu erlendis. Þau ævintýri sem orðið hafa á vegi þeirra urðu innblástur að þessari bók. Valur eignast vinkonu er önnur bók Helgu en árið 2019 sendi hún frá sér bókina Valur eignast systkini. Jóhanna Þorleifsdóttir myndskreytir bókina með fallegum og litríkum myndum.