Saga um bóndann Mensalder sem ólst upp við fáar unaðssemdir í Ranakoti um aldamótin næstsíðustu, hjá föður og fóstru sem var forn í skapi. Þrátt fyrir að eiga ástkonu á næsta bæ mátti Mensi hanga blóðnauðugur við kotið í rúman aldarfjórðung þar sem fóstrunni hugnaðist ekki ráðhagurinn. Listilega vel skrifuð bók um heiðursmann sem varð hvorki frægur af auði né völdum en greiddi kóngi og kaupfélagi það sem báðum bar. Söguleg skáldsaga, full af orðkynngi og mögnuðum mannlýsingum. Besta bók Bjarna til þessa.