Í sumarhúsi uppi í sveit getur margt skrítið gerst. Björt fer með ömmu sinni og afa í sumarbústað uppi í sveit en þar er lítið við að vera. Ekkert rafmagn, engar tölvur og síminn verður meira að segja batteríslaus. Hvað á maður þá eiginlega að gera?nnSem betur fer deyja afi og amma sko aldeilis ekki ráðalaus og finna upp á hinu og þessu skrítnu og skemmtilegu til að stelpuskottinu leiðist ekki.Ýmsar furðuverur koma í heimsókn og má þar nefna hlaupagikk, ókind og fiskiflugu sem fá Björt til að gleyma öllum tæknitólum heimsins. Innan skamms ráða ríkjum leikgleðin, tungan og ímyndunaraflið.nnBjört í sumarhúsi er nýr íslenskur söngleikur eftir Þórarinn Eldjárn og Elínu Gunnlaugsdóttur með myndskreytingum eftir Sigrúnu Eldjárn. Bókinni fylgir geisladiskur með tónlist og texta flutt af Unu Ragnarsdóttur, Valgerði Guðnadóttur, Jóni Svavari Jósefssyni, Braga Bergþórssyni ásamt hljóðfæraleikurum.