Að verða að manni eru bernskuminningar norðan af Ströndum. Hugljúfar en í aðra röndina ógnvekjandi börnum 21. aldarinnar sem sjá hér hættur í hverju skrefi. Söguhetja okkar er þrátt fyrir ungan aldur í baráttu við náttúruöflin, vopnaður að hætti fullorðinna og oft áræðinn um efni fram. Sigurður Kristinsson er fæddur 21. desember 1939 á Kirkjubóli í Hrófbergshreppi. Sigurður býr í Grindavík. Hann er smiður og uppfinningamaður og hefur komið víða við á langri starfsævi.